Viðskiptaskilmálar

Skilmálar þessir gilda um öll viðskipti við Harðviðarval ehf., kt. 470278-0139, Krókhálsi 4, 110 Reykjavík („Harðviðarval“), hvort sem þau fara fram í verslun, í síma, með tölvupósti eða í gegnum vefinn. Þegar um neytendakaup er að ræða ganga ákvæði laga nr. 48/2003 um neytendakaup og laga nr. 16/2016 um neytendasamninga framar þessum skilmálum, stangist þau á.

Verð fer eftir gildandi verðskrá Harðviðarvals hverju sinni og er gefið upp með virðisaukaskatti. Verð getur breyst án fyrirvara, meðal annars vegna gengisþróunar og verðbreytinga hjá framleiðendum.

Verð á vefnum eru til viðmiðunar. Tilboðsbeiðni sem send er í gegnum vefinn er ekki bindandi pöntun.

Tilboð miðast við staðgreiðslu og gilda í 20 daga frá dagsetningu, nema annað komi fram í tilboðinu.

Harðviðarval áskilur sér rétt til að leiðrétta augljósar villur í verði eða vörulýsingum.

Kaupsamningur kemst á þegar Harðviðarval hefur staðfest pöntun.

Við staðfestingu pöntunar greiðir kaupandi að lágmarki 20% af kaupverði. Eftirstöðvar greiðast við afhendingu.

Í reikningsviðskiptum er kaupverðið fært á viðskiptareikning og greitt samkvæmt 6. kafla.

Vörur eru afhentar af lager Harðviðarvals, á Krókhálsi 4, 110 Reykjavík (bak við verslun) eða í Selhellu 4, 221 Hafnarfirði, eins og fram kemur í pöntunarstaðfestingu. Kaupandi getur óskað eftir heimsendingu gegn gjaldi samkvæmt gjaldskrá.

Áætlaður afhendingartími kemur fram í tilboði eða pöntunarstaðfestingu. Hann er ávallt áætlaður og getur tafist af ástæðum sem Harðviðarval ræður ekki við, t.d. vegna framleiðslu eða flutninga hjá birgjum. Kaupanda er tilkynnt þegar vara er tilbúin til afhendingar.

Kaupandi skal sækja vöru, eða óska eftir heimsendingu, innan 7 daga frá því að tilkynning berst. Eftir það er heimilt að innheimta geymslugjald samkvæmt gjaldskrá, enda hafi kaupanda verið tilkynnt um það skriflega áður en gjaldtaka hefst.

Áhætta af vöru flyst til kaupanda við afhendingu. Sé vara send til neytanda flyst áhættan þegar neytandi eða fulltrúi hans tekur við vörunni. Sé vara send til atvinnurekanda flyst áhættan þegar varan er afhent flytjanda.

Harðviðarval ber ekki ábyrgð á óbeinu tjóni vegna tafa á afhendingu eða vegna aðstæðna sem félagið ræður ekki við (force majeure), svo sem verkfalla, náttúruhamfara, eldsvoða, stríðsástands eða tafa í flutningum, að því marki sem lög heimila.

Heimilt er að skila vöru innan 30 daga frá afhendingu gegn framvísun kvittunar og fá inneignarnótu. Varan skal vera í söluhæfu ástandi og í upprunalegum umbúðum og henni skal skilað á lager Harðviðarvals.

Ekki er tekið við sérpöntuðum vörum, vörum sem sniðnar hafa verið að máli (t.d. teppi sniðin af rúllu og hurðir í sérmálum) eða vörum sem hafa skemmst í meðförum kaupanda.

Ef skil verða ekki rakin til mistaka Harðviðarvals eða galla í vöru er heimilt að draga kostnað vegna skilanna frá inneign.

Hafi neytandi keypt vöru með fjarsölu, t.d. með samskiptum eingöngu í gegnum síma eða tölvupóst án þess að koma í verslun, á hann rétt á að falla frá samningi innan 14 daga frá afhendingu samkvæmt lögum nr. 16/2016 og fá endurgreitt.

Gólfefnaprufur eru gjaldfrjálsar og ekki þarf að skila þeim.

Sækja má um reikningsviðskipti með umsókn sem finna má á vefnum. Harðviðarval áskilur sér rétt til að hafna umsóknum.

Viðskiptavinur skal tilkynna Harðviðarvali skriflega hverjir hafa heimild til að taka út á reikninginn, og um breytingar á því. Úttektir annarra eru á ábyrgð viðskiptavinar hafi hann ekki tilkynnt um þær.

Gjalddagi úttekta er reikningsdagur og eindagi 15 dögum síðar, nema annað komi fram á reikningi. Sé ekki greitt á eindaga reiknast dráttarvextir frá gjalddaga til greiðsludags samkvæmt III. kafla laga nr. 38/2001 um vexti og verðtryggingu.

Hafi greiðsla ekki borist 30 dögum eftir gjalddaga er lokað fyrir úttektir. Viðskiptavinur heimilar jafnframt að vanskil sem varað hafa lengur en 30 daga séu tilkynnt til Creditinfo Lánstrausts hf. til skráningar á vanskilaskrá.

Þegar samið er um afhendingu í áföngum er heimilt að stöðva frekari afhendingu þar til fyrri afhendingar hafa verið greiddar eða trygging fyrir greiðslu sett.

Athugasemdir við stöðu viðskiptareiknings skulu berast innan 15 daga frá dagsetningu greiðsluseðils. Að öðrum kosti telst staðan samþykkt.

Viðskiptavinur greiðir seðilgjald og allan innheimtukostnað komi til vanskila. Sé greitt eftir eindaga er heimilt að fella niður umsamda afslætti.

Kaupandi skal skoða vöru vandlega við afhendingu og tilkynna um galla án tafar, og ávallt áður en efnið er lagt eða sett upp.

Um rétt neytenda vegna galla fer samkvæmt lögum nr. 48/2003 um neytendakaup. Kvörtunarfrestur neytenda er tvö ár frá afhendingu, en fimm ár þegar söluhlut er ætlaður verulega lengri endingartími. Um kaup atvinnurekenda fer samkvæmt lögum nr. 50/2000 um lausafjárkaup.

Veiti framleiðandi lengri ábyrgð en lög kveða á um fer um hana samkvæmt ábyrgðarskilmálum framleiðandans.

Ábyrgð nær ekki til eðlilegs slits eða tjóns sem rekja má til rangrar lagnar, uppsetningar, meðferðar eða viðhalds, eða þess að ekki hafi verið farið eftir leiðbeiningum framleiðanda, t.d. um rakastig, aðlögun efnis og undirlag.

Í viðskiptum við atvinnurekendur takmarkast bótaábyrgð Harðviðarvals við söluverð viðkomandi vöru án virðisaukaskatts og nær ekki til vinnu, flutninga eða óbeins tjóns. Gagnvart neytendum gildir takmörkunin að því marki sem lög heimila.

Um skaðsemisábyrgð fer samkvæmt lögum nr. 25/1991 um skaðsemisábyrgð.

Reikningur gildir sem ábyrgðarskírteini.

Harðviðarval heldur söluveði í seldri vöru samkvæmt lögum nr. 75/1997 um samningsveð þar til kaupverð hefur verið greitt að fullu.

Um meðferð persónuupplýsinga fer samkvæmt friðhelgisstefnu Harðviðarvals, sjá friðhelgisstefnu Harðviðarvals.

Um skilmála þessa gilda íslensk lög. Ágreiningsmál má reka fyrir Héraðsdómi Reykjavíkur. Neytendur geta einnig leitað til kærunefndar vöru- og þjónustukaupa.